اویسیہ — علم، تربیت، تحقیق اور خدمت کا سفر

اویسیہ اکیڈمی کی بنیاد 3 رجب المرجب 1444ھ، بمطابق 26 جنوری 2023ء کو رکھی گئی، جو یومِ وصالِ سیدنا حضرت اویس قرنی رحمۃ اللہ علیہ ہے۔ اویسیہ کی نسبت اسی روحانی و فکری نسبت کی یاد سے وابستہ ہے، جس میں اخلاص، علم، محبت اور خدمت کے جذبات کو بنیاد بنایا گیا ہے۔

اگرچہ اویسیہ اکیڈمی کے نام سے باقاعدہ آغاز 2023ء میں ہوا، تاہم اس سے قبل تقریباً 2014ء سے آن لائن تدریس اور دینی تعلیم کا سلسلہ جاری تھا۔ اس تجربے اور تعلیمی سفر کے بعد اویسیہ کو ایک منظم پلیٹ فارم کی صورت دی گئی، تاکہ علم و تعلیم کی خدمات کو زیادہ وسیع، مربوط اور مؤثر انداز میں آگے بڑھایا جا سکے۔

الحمدللہ، اویسیہ کے تحت مختلف شعبہ ہائے زندگی سے تعلق رکھنے والے طلبہ و طالبات نے دینی اور تعلیمی کورسز سے استفادہ کیا ہے۔ ان میں ڈاکٹرز، وکلا، فارماسسٹ، انجینئرز اور دیگر پیشہ ور افراد کے ساتھ ساتھ عام طلبہ و طالبات بھی شامل ہیں۔

ملک و بیرونِ ملک طلبہ و طالبات تک قرآنِ کریم، تجوید اور دینی تعلیم پہنچانے کا یہ سلسلہ اللہ تعالیٰ کے فضل و کرم سے آج بھی جاری و ساری ہے۔